Loading the content... Loading depends on your connection speed!
- Sign In /
Address: Jungnang-gu, Seoul (Subway line 6 – Taereung Station outside Exit 8)
ˊˊˊlˊeoˊˊ 韓國人鍾意食好嘢，我之前就去咗勁人氣嘅蝦店吃全蝦宴, ㄧ盆有齊各種口味, 有甜有咸有辣, 真係好好味, 呢盆KRW39,000 有找 (約HKD280) 食過後成日都掛住! 不過如果兩個人食, 可能要再點多個主食, 或者ㄧ人ㄧ份就夠 ! 店名: 새우잡이 김춘배
韓國已經入秋了，好多客人朋友都會來韓國, 大家有冇諗過去禪修呀？我剛剛去完, 好想分享比大家, 真係可以好寜靜咁享受ㄧ天, 就算大家無彿教信仰, 或有其他宗教信仰也可以參加, 只要不參與拜佛或聽經便可! 而我哋選擇了兩日ㄧ夜的Relax temple stay, 真係好relax吓，下午2-3時報到, 4pm有簡單講解(全韓語)活動流程, 如果不明白, 可以之後再個别問導師, 並帶我們遊覽寺院地方, 5:30pm 食飯, 6:30pm 拷鐘體驗, 9pm睡覺，早上4am 起床到彿堂行108禮, 原本大家説好都會參與, 但最後還是只有一半人參加, 原本oppa都想睡不參加, 但最後也給我拖了他出去, 完成108禮之後, 真係脚都軟埋, 不過呢個係我認為是必須要参與的
首爾而家好興食Road Steak, 之前係弘大見到已好想食, 今晚係綠沙坪(即係梨泰院周邊)食到啦，好正喎, 原來上層隻杯係幾深㗎，有好多粒牛柳, 有蝦, 薯條, 蕃茄, 磨菇, 仲要連埋咁大杯Ice tea, 真材實料, 好味道! 都只係KRW7,900 (唔駛HKD60) 食完我已經好飽, 細食嘅sweeties可以兩份share!P.S. 不過話明Road Steak係冇乜位坐㗎，要預咗企係度, 或者行住食! Address: Noksapyeong daero 230, Yongsan-gu, Seoul (地鐵6號線綠沙坪地鐵站内沿扶手電梯, 在B2層中間位置, 找到往地面1/F升降機, 步出升降機後就是天橋, 過對面馬路, 左轉直行5分鐘就到)
地點在西橋洞, 其實就係弘大周邊！Address: 408-11, Seogyo-dong, Mapo-gu, Seoul, Korea
魚生拌水涼麵 (물회) + 韓國海膽拌飯 (성게알밥) 係必食㗎, 市内餐廳很多, 暑假到處大排長龍, ㄧ定揾到!
Address: Gangwon-do, Goseong-gun, Toseong-myeon, Cheonjin-ri, 178-1
大家有冇係韓國見過呢種咖啡機呀？ 紙杯裝熱咖啡, 細細杯, 好好飲, 只係KRW400-500 ( HKD 3 ~ HKD 3.5)，自動冲ㄧ杯醒神香濃咖啡比你, 建議大家飮Milk Coffee, 在右邊入錢 (有自動找贖) , 大家見到可以試吓!
地下嘅大玻璃園境view係必影嘅，韓妹影相靚位! 個人愛二樓, 夠寧靜又有家的感覺!
望遠站, 二號出口轉右直入買平生果 韓國葡萄KRW4,000~ KRW9,000/箱 “상자”係解ㄧ箱呀! 味道就好似巨蜂提子咁!
韓國日本都好興飲生果水, 係韓國有啲健康cafe都有Homemade生果水賣, 試過之後覺得好正, 所以我又自己整吓!
今日要介紹呢間手作蛋糕店, 位處於我喜愛的附岩洞, 韓國人專登要揸車來買, SCOFF店鋪小小, 全部自家焗製, 賣相超吸引! 我平時是坐巴士去附岩洞的，只需要利用Google map輸入韓文地址 종로구 부암동 278-5 選巴士路線, 就會有指示你附近可坐的巴士號至附岩洞, 下車後向上直行五分鐘, 見到7-11轉右直行就見到! 如果有四個人, 坐的士到附岩洞較方便, 由仁寺洞去也只不過10-15分鐘車程, 比坐巴士更方便便宜!
我們熱愛Camping , 這幾年走遍了韓國鮮為人知的野營地點, 興幸香港新假期旅遊雜誌找到我哋, 無心插柳之下, 將我們的wild camp經驗與大家分享! 今次wild camp 新假期記者事前準備了很多東西, 從香港帶了佷多露營用品及買了很多食物, 用心制作, 務求大家能感受到露營的樂趣, 如果大家想參與我哋嘅camping, 可以like 我哋facebook camping專頁 www.facebook.com/koreacampingguide
韓國牛奶好飲, Yogurt仲好好味, 我愛到附近呢間Yogurt店買純milk yogurt, 佢仲有creamy latte好好飲, 如果去三清洞, 可以去買杯試試! 店鋪就在三清路旁的小街 Palpan-gil 33號
上星期同一班香港密友食完，真係超抵食，原本我哋叫咗龍蝦九層套餐 ₩110,000 (HK758)，再追加多一隻龍蝦，好豐富，九個人食到飽飽只係千零蚊港幣，好想再食呀！ 무한조개구이까까電話：02-876-8687서울 관악구 봉천동 924-40首爾奉天洞冠岳區 924-20交通：地下鐵號線”奉天站”6 號出口直行，第一個路口轉左 , 再過對面馬路轉右直行即見 營業時間 : 4:00pm ~ 1:00am
香港好友來韓國玩當然要食豪d , 首選一定要試醬油蟹, 超。鮮。甜而且不會太咸, 呢間有四十年的正宗韓國食店, 除肥美醬油蟹外, 這裡的配菜非常精緻特別, 至於價錢屬中上, 一隻醬油蟹 KRW55,000 ( 全部大隻的 ) 來旅遊的話, 必定要試試, 由於店很出名, 不設訂座, 所以常常爆滿, 要有心理準備要等位! 大瓦房 地址：서울시종로구소격동122-3 首爾巿鐘路區昭格洞122-3 (位于三清洞) Google map幫到您^^ 營業時間: 12 noon- 3:30pm / 5pm-9:30pm 電話: 02-722-9024 前往方法: 地鐵安國站1號出口步行大約15分鐘
How do you find good local restaurant when you travel Korea? I will give you one tip!! There are one Korea navigation mobile application. This is most Korean using for reach their destination. It has one
Read More
韓國朋友經常介紹一些又平, 又好食, 又抵食的韓國餐廳, 今次呢間真係好值得來, 中午來到已經排長龍, 但也不算等太耐, 大約15分鐘, 餐廳內似足在酒店食自助餐的格局, 主打韓國街頭小食, 如炒辣年糕, 魚旦串, 炸天婦羅等, 還有多款即食拉麵及汽水任飲任食, 入座後即上一大窩湯底, 窩邊還有新鮮芝士碎條, 炒年糕加上溶化的芝士實在太好味啦! 而且價錢非常抵, 兩個人只係KRW18,800 (約HKD135) 埋單, 真係好食又抵食! 地址: 在地鐵6號線安國站, 三號出口, 轉身第一條內街 (很多食店的) 直行5分鐘左右就到
韓國朋友們介紹呢間係梨泰院的泰國餐廳, 最出名湯粉, 試完之後又真係好食過泰國的湯粉喎, 皆因兩位年輕老板請了兩位泰國大厨回來坐陣, 真係好有水準, 加埋泰式木屋裝修, 有如置身泰國, 週末必定大排長龍, 最好平日兩三點來, 冇咁多人又唔駛等位! 牛肉湯粉 9,000 won 豬肉湯粉 9,000 won雞肉湯粉 9,000 wonPataya Salad 14,000 won
以前Itaewon梨泰園給人老土的感覺, 隨著這幾年的轉變, 城中型人紛紛進駐開設型格店舖, Cafe, 建造了一個富有外國風情的地段, 現在已成為單身貴族的潮流熱點! 個人喜愛Vintage, Antique, 愛到這裡尋寶, 這些古董大部份是從法國尋回, 價錢並不便宜, 但件件精品, 看看也開心!
Breezin Cafe二樓的露台及天台位也可以看到日落, 個人認為二樓露台位較獨立, 不會太多人, 可以好好休息及一邉享用甜品, 地點就在三清洞的三清路, 走到中段就會見到!
早餐!早餐! Tea Time! Tea Time! 這間店的麵包採用新鮮香滑牛奶製成, 剛出爐微熱的超好味, 有原味, 果仁及芝士三種口味, 同場還有新鮮牛奶, 芝士牛奶果仁果醬, 藍莓牛奶果醬, 合桃雞蛋仔等出售, 大家漫步三清洞時, 可以順便買來試試! Address : 37 Palpan-gil, Sam Cheong-dong, Jongro-gu, Seoul, Korea
零下十度氣溫, 依然被這個雪糕吸引了! 快到情人節, 好一個特別的gift idea給我們的男性好友們 ^^ Address: Gangnam-daero, 95-gil
呢隻魷魚不得了, 好睇又好食! 每逢週末都大排長龍的, 要食最好週日來啊! 不同口味, 有辣有唔辣KRW7,000-7,500 地址: 三清洞三清路66號警察局對面
今次介紹呢間位於惠化的韓國本地人，人氣食店，需未被遊客攻陷，但每次必要等位，主打猪頸肉打邊爐 (火煱)，獨家秘方香料煲，唔太辣，超好味, 以人頭計每人每份₩8,000 (HK$60) ！ 仲有主打醬油蝦，唔似一般加重醬的咁咸，鮮味甜味，呢碟細只係₩12,000 (HKD 88) 必食！最後加個鳥冬麵, 飽飽! 地點: 惠化地鐵站4號出口, 依地圖走
最近愛上散策 (韓文解散步), 最愛到桂洞的日式雜貨店閒逛, 感覺彷如去了東京的下北澤, 小店由兩韓國女生主理, 在桂洞已經兩年, 越做越多人認識, 我們當然也是支持的一份子 ^^ 地址: 80 Kye-dong, jongno-gu, Seoul Blog: http://blog.naver.com/tohko02
首爾十月末至十一月初的秋天, 往街上走也能看到紅葉處處, 但要找個景色優美又可以散步的地方, 除昌慶宮外, 我們強烈推介蠶室樂天世界對出的石村湖水, 此處較少外國遊客, 主要是本地人多, 尤其在平日遊人不太多, 是一個絕對可以給您充電的地方^^ 同場還有黃色小鴨 (Rubber Duck Project), 2014年10月14號起，預計將在首爾市松坡區石村湖水的東湖展出1個月。現場還設有Pop-up store販賣黃色小鴨週邊商品，而樂天世界購物中心6樓的樂天藝廊，也同時舉辦黃色小鴨展。 地址: 首爾特別市松坡區蠶室路148 (蠶室洞)韓文地址: 서울특별시 송파구 잠실로 148 (잠실동)
Oversized coat不是今年才流行, 早在兩三年前的冬天已開始在米蘭及韓國流行, 幸運的我已買了好幾件精品, 因以前工作關係, 令我對布料特別敏感, 好布料加簡約剪裁, 永遠是最有型, 所以我不會選太前衛的款式, 價錢由品牌的三萬多至千多港幣, 貴有貴好, 平有平精, 全部預算可以著一世!
很多朋友來韓國都要去春川的Rail Park玩, 享受郊遊樂, 還一定會吃個春川雞, 但不一定每間也好味, 介紹這間食店是因為它出名的炭火燒春川雞, 一點也不便宜, 每人每份 KRW18.000 (以人頭計), 但它的奄製確實是非常美味, 加上配菜, 一吃難忘! 地址: 只有韓文, 到Rail Park玩完後沿路往市入走十至十五分鐘便找到, 或找的士去吧!
中學開始一直儲牛仔褲, 由最初的古著Levi’s 501 到 COSMIC WONDER Light Source, 再到米蘭, 巴黎小區找古著jeans, 再到首爾找獨特靚款, 算一下屬於自己的collection已過100條, 任何cutting也有了, 但原來自己還是最愛爛牛, 洗得舊舊的, 洗水自然不造作的, 古著絕版的, 越著越有經歷及生活感的, 這就是真正屬於自己的牛仔褲!
想找一個寧靜的地方偷閒一個下午? 這裡必定可以滿足您! Cafe Spring在韓國女生圈裡還為出名, 除了法式簡約裝修外, 它的Homemade lunch, Waffle及特色飲品非常出色, 我愛這裡的Honey Lemon Tea 及Orange soda, 還附上精緻小點, 每個朋友來也喜歡這裡^^
梨花洞駱山公園壁畫村可能大家都有去過, 今次要介紹的就是在這裡只開業了四個月的Jazz story cafe . 由於我們外拍經常要四出找靚景, 駱山公園壁畫村附近是我們常去的, 這裡位於半山, 環境幽靜, 也可以包覽市內美景和看日落, 早已愛上了這山頭, 從前這裡是幾間小屋, 忽然發現已經變成了一間型人cafe, 還傳來悅耳的音樂, 就這樣被它吸引了我光顅這間咖啡店. 這裡的老板很親切, 他是美藉韓國人, 英文不錯, 傾談之下得知他原來很喜款Jazz音樂, 除這裡外, 在惠化也有一間Jazz pub, 還會有樂隊現場solo, 而這裡有一面牆, 櫃內放滿了黑膠唱片, 老板說這裡只是十分一的收藏, 真的厲害! 除此之外, 最令我讚嘆是這裡的裝修, 我最喜愛夠raw的原始風格, 這裡一木一鐵也能看出老板的心血傑作, 還有這裡的拉麵及牛肉年糕也好好味, 大家有機會來的時候記得要吃啊^^ 這裡逢一至日也營業, 晚上更營業至深夜, 去完惠化Shopping, 可以搭的士上來飲杯drink看夜景, 必定令你的首爾之旅更難忘^^ Address : 129-214 Dongsung-dong
Read More
今次要介紹大學附近的一間好食夾大件漢堡包店, 佢特別在於用料十足, 厚厚的牛肉, 加上滋味醬汁, 新鮮蔬菜, 好食又飽肚! 仲要只售 KRW 7,000 (約HK$55) 來這裡也很容易, 地鐵6號線於”高麗大學”站, 6號出口直行約5分鐘, 到高麗大學正門對面馬路側便到! Address : 137-66 Jegi-dong, Dongdaemun-gu, Seoul
如果你有睇Jessica & Kystral , Jessica買手信請客就係呢間啦，而佢買嗰隻係Dark Chocolate Churro, 先炸再加上黑朱古力，暖暖的超好味！₩3,900 each
“惠化” 一個我十分熟悉的地方, 這裡有一條窄巷, 經常擠滿本地人, 這間小屋很出名, 是因為它有超好吃的Pizza (配蜜糖漿) + 炒年糕 + 拉麵 + Kimchi炒飯, 吃完套餐後還可選雪糕或汽水, 而且價格相而, 很多大學生來吃的, 每次來必定要等30分鐘, 還有逢週日及公眾假期休息啊! 有點隱蔽, 在麥當奴對面馬路小巷入 Address : 23 Myeongnyun 4 ga (129-8 Daehak-ro), Jongno-gu, Seoul (서울특별시 종로구 명륜4가 23) Opposite of MCdonald (在麥當奴對面馬路小巷入)
Read More
成日都想搵食素的地方, 終於搵到一處在市中心, 又抵食的素菜, 這裡以自助餐形式供菜, 先取一套四件的碗及餐具, 便可以自取食物, 雖然款式不多, 但味道非常好及健康, 而且環境很好, 又可以任食四小時, 價錢只是 KRW8,000 真的非要介紹不可! P.S.每日只有兩個時段, 中午及晚市, 大家要注意時間啊^^ 주소 : 서울시 종로구 견지동 71 2층 (71 Gyeonji-dong (56 Ujeongguk-ro), Jongno-gu, Seoul opposite side of 조계사(Temple) Temple food, Vegetarian food, Nature food
Read More
這是我和韓國朋友們Happy hours的私竇, 愛這裡出色的Pizza, Pasta和啤酒, 因為店面型格裝修, 所以經常會順道在這裡拍攝時裝造型^^ 鄰近東大門文化歷史公園, 從2號出口直行大約10分鐘 Where(?) : 250-14 Sindang-dong (373-1 Toegye-ro), Jung-gu, Seoul Phone : 02-2252-1974
來韓國如果shopping到冇晒錢, 又好大食, 咁你就一定要來這裡吃個超平自助餐啦! 地點就在鷺梁津地鐵站3號出口, 不要上地面, 食店就在地下B1, 一出就見到, 勁方便 ^^ 地方好像小型的美食廣場一樣, 內裡有兩間自助餐店, 選定一間後, 先去購票, 便會給你一隻碟及餐具. 這裡大約有20種食物款式任由選擇, 以韓式為主, 也有意粉和三文治等, 而且每天菜式也不一樣, 非常牴食 !!
Read More
. 望出窗外看著這小松鼠今天很努力，牠在電線上來回了幾次，趕著把找回來的杏子搬回家…… 也許我的生活太簡單，看着牠我已經很快樂^^
講真一般韓國김밥, 係冇日本嘅壽司卷咁好食，但之不過，總有一兩間係做得特別出色嘅！“三清洞”呢間就係啦，佢嘅”鱼旦紫菜卷” 真係好好好食，極度推介！！ 佢舖仔細細，仲要位處於小巷之中，主要是地道食客，勝在冇乜遊客！價錢好經濟，₩4,000 (HK$30) 一大條，佢嘅配菜仲非常正添！ 店家: 조선김밥 地圖: 只有韓文地圖，藍色箭咀位置，有點難找，希望你找到！
之前提過韓國夏天真係好熱，但每年幾時最熱，韓國人或許會告訴你：「三伏」。 三伏意指初伏、中伏和末伏的統稱。一般來說，初伏在每年夏至之後的第三十天，中伏在初伏之後十天，而末伏又在中伏之後十天。換言之，由初伏到末伏的二十天，整個韓國都會非常炎熱，而今年三伏剛剛過晒，前日8月7日係末伏(真係熱鬼死人)，噚晚一班韓友就叫埋我一齊去食自製蔘雞湯(삼계탕) ，我好奇咁問點解要放木頭落去？佢哋話用來調味喎，係真唔係呀？不過又真係同係街食唔同喎，好味！ 韓國有一套獨特的飲食哲學，以熱治熱，給身體流汗以驅除暑氣，效果比吃凍嘢來降溫更佳，所以三伏這三日蔘雞湯店會大排長龍㗎！
